Eolas faoin gCoimisiún

Is comhlacht neamhspleách é an Coimisiún um Ghearáin Chraolacháin (an Coimisiún) a mheasann agus a thugann breithiúnas ar ghearáin faoi mhíreanna craolta, idir chláir agus fhógráin. Is iad na catagóirí gearáin atá ann ná:

• ceart agus cothrom na Féinne i gcláir nuachta agus cúrsaí reatha,
• toighis & cuibheas,
• dlí & ord,
• ábhair fhoilsithe,
• príobháideachas an duine aonair,
• clúmhilleadh,
• cóid chaighdeán agus chleachtas a rialaíonn cúrsaí fógraíochta, siopadóireacht teilifíse, urraíocht & tionscnamh tráchtála,
• agus toirmisc a ordaíonn Airí Rialtais.

Is féidir le haon duine den lucht féachana nó éisteachta gearán a chur faoi bhráid an Choimisiúin má tá siad míshásta faoi ábhar a chraoltar ar sheirbhís chraoltóireachta le ceadúnas éireannach. Is féidir an gearán a dhéanamh faoi cheann ar bith de na catagóirí thuasluaite.

Gníomhaíonn an Coimisiún faoi bhun achtanna éagsúla craolacháin agus is é an ceann is déanaí díobh ná an tAcht Craolacháin 2001. Tá na hAchtanna seo le fáil ar an láithreán seo, ar bcc legislation.

Is é an Rialtas a ainmníonn Comhaltaí an Choimisiúin, a fhanann i mbun na hoibre ar feadh cúig bliana. Is iad na Comhaltaí atá ann faoi láthair ná:

 

Mr. Michael MacGrath, Chairman; Senior Counsel (Cathaoirleach)
Mr. Joe Brady; Insurance Broker & Auctioneer
Mr. John Donohoe; Journalist & Editor

Dr. Eucharia Meehan; Head of Research Programmes, HEA
Ms. Susan Nolan; Solicitor
Ms. Miriam O'Callaghan; Health Board Official
Mr. Seán O'Sullivan; MD Seabrook Research Ltd.
Mr. David Tighe; CEO Limerick New 95FM

Is féidir dul i dteagmháil leis an gCoimisiún ag:

An Coimisiún um Ghearáin Chraolacháin
2-3 Plás Warrington
Baile átha Cliath 2.


Teil: (01) 644 1280
Facs: (01) 676 0948
R.phost: info@bcc.ie